Vonohet krijimi i bordeve të Trepçës

22:00 | 1 Maj 2017
Arbresh.info

Kuvendi i Kosovës e miratoi ligjin për Trepçën para gati 8 muajve, por gjatë tërë kësaj kohe kombinatit xehetaro-metalurgjik nuk e ka zgjedhur bordin mbikëqyrës që më pas do ta përzgjidhte edhe bordin menaxhues si struktura më e lartë e udhëheqjes së Trepçës.

Sipas përfaqësuesve të punëtorëve, kombinati ka mbetur peng i kësaj çështjeje.

Enver Hoti nga Nisma ka bërë me dije se si anëtari i komisionit për zhvillim ekonomik disa herë e ka ngritur këtë shqetësim.

Në anën tjetër, në ministrinë e zhvillimit ekono0mik bëjnë me dije se tashmë janë marrë hapa në këtë drejtim, njofton Klan Kosova

Ndërkaq, këshilltari i kryeministrit Isa Mustafa, Valentin Toçi, i ka thënë televizionit se janë duke punuar në drejtim të shpalljes së konkursit por nuk ka dhënë afat kohorë se kur pritet të përfundoi ky proces.

Shpërndaje në rrjete sociale

Lajmet më të lexuara

Të ngjashme

Foto lajm